DESPEDIDA

Bos días,esta é a miña última entrada por agora, xa que este traballo foi pensado para presentar no meu colexio, o Martín Codax, polo 17 de Maio, o día das Letras Galegas.
Espero que aínda así podades disfrutar dos lugares dos que falo e que a min tanto me gustan.
Como podedes ver, non falo sobre todos os lugares, senón, que só falo sobre os que eu coñezo e gustánme tanto.

 Espero que este blog vos sirva para que, si pensades facer unha viaxe animédesvos a vir a Galicia, a miña terra.

LUGARES PARA VISITAR

Bós días, hoxe vouvos falar de tres lugares que debedes coñecer.

• Illa das Flores
• Pozas de Ourense
• Muralla de Lugo

ILLA DAS FLORES

Eu chámolle desta maneira pero non ten un nome determinado. Esta illa está situada na praia da Lanzada, e a súa particularidade é que só unha vez ao ano, todas as flores da illa ábrense durante unha ou dúas semanas. Está rodeada de Pedras e auga e hai pouco puxeron un banco que pon Noalla. As vistas son espectaculares e o lugar parece máxico.




















A miña puntuación:

POZAS DE OURENSE

Este é un lugar imprescindible se te queres relaxar, con termas interiores e exteriores, onde tes que alternar agua quente con auga fría. Hai diferentes piscinas e temperaturas, con chorros e jacuzzis.
Se non queres gastar cartos hai unhas pozas públicas fóra, as Chavasqueiras e se non, están as pozas privadas, nas que tes que pagar, as Outariz.

Se queredes saber precios, propiedades e demais información visitade a súa páxina oficial:
http://www.termasoutariz.com/ter_aguas_propiedades.html 

 
A miña puntuación:

MURALLA DE LUGO

A Muralla de Lugo fíxose para protexer a cidade de Lugo. Rodea o casco histórico da antiga cidade romana de Lucus Augusti fundada no ano 15 a.c. 
É a única muralla do mundo que se conserva enteira, e tamén é Patrimonio da Humanidade.
Mide máis de dous km e ten dez portas, ten ao redor de 85 torres; eu recoméndovos facer o paseo por enriba dela e se tendes máis tempo podedes pasear pola cidade de Lugo.

Se queredes saber máis sobre a historia podedes visitar esta páxina: 
http://www.turismo.gal/que-visitar/destacados/muralla-romana-de-lugo?langId=es_ES 
 

 
A miña puntuación:

ATA A PRÓXIMA

MONUMENTOS IMPRESCINDIBLES

Bos días, hoxe vouvos falar sobre monumentos que debedes coñecer.

• Catedral de Santiago
• Torre de Hercules

CATEDRAL DE SANTIAGO

A Catedral de Santiago atópase na capital de Galicia, sita na provincia da Coruña. Moita  xente coñecea polo Camiño de Santiago; recoméndovos facer a visita da catedral por dentro, ver o botafumeiro e xubir á parte máis alta, que son os tellados tamén chamados "as cubertas", dende onde teredes unha vista preciosa de toda a cidade.

Aqui déixovos o link por se queredes saber máis sobre a historia da Catedral:

http://www.catedraldesantiago.es/

A miña puntuación : 

TORRE DE HÉRCULES

A Torre de Hércules está situada na costa norte da Coruña. É o faro romano máis antigo do mundo e o único que se conserva en servizo. Foi construido no século II na época do emperador Trajano.
Hai moitas lendas ao redor deste faro pero a máis destacada conta que vivía nestas terras un xigante chamado Gerión e que durante tres días Hércules, fillo de Zeus, loitou contra el e cortoulle a cabeza onde máis tarde mandou construir esta torre.
Foi declarada Patrimonio da Humanidade o 27 de Xuño de 2009.
Se decidides ir visitar esta torre, recoméndovos visitar a cidade e os seus museos.

Se queredes saber máis da historia desta torre podedes visitar esta páxina:
 http://www.torredeherculesacoruna.com/index.php?l=gl

A miña puntuación é: 

ATA A PRÓXIMA

LUGARES ONDE COMER

Bos días, hoxe vouvos falar sobre tres lugares onde comer, que eu recomendo:

• Abetos
• Pepe
• A Quinta De San Amaro

 A QUINTA DE SAN AMARO

A Quinta de San Amaro está situado en Meaño, Pontevedra, é un restaurante onde tamén se pode durmir; ao redor ten un espazo exterior moi grande con hamacas para descansar, tamén ten unha parte con animais: coellos... para os hóspedes ten unha pequena piscina con moi boas vistas.

A comida é moi rica, a decoración moi bonita e despois de comer podes pasear polos arredores do restaurante, hai moitos camiños rurais ou tomar algo nas terrazas.

Aqui abaixo déixoche o link da páxina web: http://www.quintadesanamaro.com/es/restaurante/ 

A miña puntuación: 

 OS ABETOS

O restaurante os abetos está situado en Nigrán, preto de Vigo e de Praia América, é un asador, para min destaca pola carne á brasa, traen traen por unha parte á brasas e pola outra a carne cortada, e ti vas facéndoa e coméndoa, é divertido e entretido e ademais está riquísima.

Para rematar o menú hai que probar o seu postre estrela, chámase Don Pedrito, son unha bolas de xeado de vainilla sobre unha especie de cucurucho (cornete) e por enriba chocolate quente.

Encántame este postre, tedes que probalo.

Para quen estea interesado déixovos aquí o link da páxina web:

http://losabetosrestaurante.com/ 

A miña puntuación: 

MESÓN D'PEPE

O Mesón D'Pepe está situado en San Vicente Do Mar, O Grove, destaco a terraza que ten sobre a praia ( unha praia canina),  o lugar é moi agradable e bonito, aínda que sempre está cheo de xente polo que é necesario facer reserva.

A comida é moi boa e variada, e bo prezo.

Despois de comer podes facer unha das caminatas, da que falei noutra entrada.

 A miña puntuación:

 ATA A PRÓXIMA

PRAIAS

Bos días hoxe vouvos falar de tres praias que debedes coñecer. 

• Barra
• Rodas
• A praia das Catedrais

 PRAIA DE BARRA 

Esta praia está situada en Cangas do Morrazo, moi cerca da praia de Liméns, moi coñecida polo Martín Codax.

En canto chegas, baixas por un pequeno monte cheo de árbores, paus e moita sombra, a min encántame este pequeno paseo; chegado  un punto podemos ver unha mestura de cousas, dende o verde das plantas e as dunas ata a area e o mar. 

A praia é moi grande, permite dar un gran paseo, tamén hai rochas para andar por elas.

É unha praia salvaxe, nudista.
Así que aconséllote levar algo de bebida e comida.

 

 

 

  

A miña puntuación:

PRAIA DE RODAS

A praia de Rodas pertence ao Arquipélago da Illas Cies, que son tres.

Esta praia une a illa de Monte Agudo coa illa de O Faro .

É unha praia enorme, cunha area moi branca e o mar dunha cor cristalina, estas augas normalmente están moi frías.

Se queres ir alí, tes que coller un barco dende o porto de Vigo ou dende Sanxenxo, a travesía e preciosa e alí podes camiñar ata o faro entre a vexetación ou podes pasar o día na praia.

Se queres pasar máis tempo, podes pasar unha o máis noites no camping, pero hai que collelo con tempo.

A miña puntuación:

 

ATA A PRÓXIMA

 

ESPAZOS PARA DIVERTIRSE

Bos días, hoxe vouvos a deixar uns lugares para divertirse, hai de varios tipos: 

• Se queres relaxarte a miña proposta é o balneario da Toxa.
• Se prefires facer algo de exercicio mentres te divirtes podes coller un coche-bici na Toxa. ( logo explícoo).
• E se fai un dia moi caluroso podes optar por ir ao parque acuático de Cerceda.  

 BALNEARIO DA TOXA

Se estás canso e tes ganas de pasar un día relaxante, a opción que debes escoller é o Balneario da illa da Toxa.

É un percorrido de agua onde hai piscinas interiores e exteriores de diferentes tamaños, con chorros, ademais de sauna, baño de xeo e pedras quentes.

Se queres maior relaxación podes pasar unha noite no hotel.

A miña puntuación é:

 COCHE-BICI A TOXA

Se queres facer algo de exercico mentres visitas a Toxa e pásalo ben, a opción para ti é, alugar un coche-bici; podes alugalo media hora ou una hora por moi poucos cartos, hai de tódolos tipos para os máis pequenos, e dende 5 a 2 persoas. Podes percorrer toda a illa da Toxa ata o campo de golf. É divertido, agradable e bo para a saúde.

A miña puntuación:

 PARQUE ACUÁTICO CERCEDA

Se fai un día moi caluroso e non queres facer nada, propóñoche unha opción de pasar un día no parque acuático de Cerceda, na provincia da Coruña. É un parque pequeno pero suficiente para divertirte, hai lugares onde comer, aínda que podes levar a túa propia comida. A entrada non é moi cara e pasas todo o día alí bañándote e tomando o sol. É unha excursión que eu recomendo.

 

A miña puntuación:

ATA A PRÓXIMA

CAMIÑATAS PARA FACER

Bos días hoxe vouvos falar de dúas camiñatas que hai que facer si estás na provincia de Pontevedra: 

• San Vicente do Mar
• Ramallosa-Baiona

Eu vou puntuar cada unha das camiñatas ( de unha a cinco estrelas) segundo o meu criterio, para que os sexa máis fácil decidir. 

 SAN VICENTE DO MAR

Eu describiría esta ruta como fácil e curta, empezamos dende  o porto marítimo de Pedras Negras e imos camiñando pegados ao mar vendo paxaros e gaivotas, pequenas praias e as illas de Ons e Sálvora. Como xa dixen antes esta ruta é curta, cun percorrido de 1,5 km ou máis dependendo do que se queira camiñar. Se tedes a sorte de que faga sol, a ruta é moito máis bonita. O paseo é de madeira e vai entre rochas, mar e vexetación.

 A miña puntuación é:

 RAMALLOSA-BAIONA

Comezamos este paseo na Ramallosa. O primeiro que se ve é unha ponte moi antiga, onde atopamos a desembocadura do río Miñor, faise a pé sobre un paseo de madeira onde podemos ver as marismas, moitas aves, un camping e a Praia da Ladeira. Pasando esta praia entramos en Baiona e chegamos ata o Parador que é unha fortaleza, que podes rodeala camiñando tranquilamente, dende a parte alta pódense ver as Cies. Este camiño vai xunto a un carril bicicleta.

Fácil de facer e podes pasar un bo día. Hai moitos lugares para descansar e tomar algo.

A miña puntuación:

ATA A PRÓXIMA

 

OLA A TODOS E TODAS

Ola a todos e todas, empezo aqui a miña viaxe, e vouvos contar o que 
podedes atopar neste blog.
Non é unha viaxe completa senón algúns lugares que me chamaron a atención e que debedes coñecer.
Para empezar, déixovos unha bonitas fotos sobre a miña terra:

Neste blog vouvos contar todo o que necesitades saber para facer unha viaxe a o meu país, Galicia, no meu menú ides atopar:

• Camiñatas para facer
• Espazos para divertirse
• Praias para disfrutar
• Lugares onde comer
• Monumentos imprescindibles para admirar
• Lugares para visitar

ESPERO QUE VOS AXUDE A PASAR AQUÍ UNS DÍAS AGRADABLES E DIVERTIDOS.

PODEDES DEIXAR COMENTARIOS E TAMÉN AMPLIAR A INFORMACIÓN.

Para empezar a viaxe déixovos aquí abaixo un video de doce lugares de ensoñó para que vaiades disfrutando.

  

                  

                                     

ATA A PRÓXIMA